აფხაზეთისა და ე.წ. სამხრეთ ოსეთის ირგვლივ არსებულ მდგომარეობაზე საუბრისას რუსეთის საგარეო საქმეთა მინისტრის მოადგილე გრიგორი კარასინი აცხადებს, რომ მათ ხელთ არსებული ინფორმაციით, საქართველო აგვისტოს მოვლენების წლისთავთან დაკავშირებით რიგ „ღონისძიებებს" გეგმავს, რომლებსაც აშკარად პროვოკაციული ხასიათი აქვთ.
„აგვვარ ფეთქებადსაშიშ რეგიონში სიტუაცია შეიძლება გაუთვალიწინებლად განვითარდეს ამიტომაც ჩვენ იძულებულნი ვართ მოქმედებების სხვა და სხვა ვარიანტი განვიხილოთ. მაგალითად მედიასივრცეში თბილისი უკვე აწარმოებს საინფორმაციო ომს", - აცხადებს გრიგორი კარასინი „რუსსკაია გაზეტასთვის" მიცემულ ინტერვიუში.
მისივე თქმით, რუსეთის შეშფოთებას იწვევს საქართველოს რემილიტარიზაცია.
„ჩვენ მომავალშიც გავაგრძელებთ სააკაშვილის რეჟიმის შეიარაღების ხელის შეშლას და ამისათვის კონტრებულ ზომებსაც მივმართავთ. როგორც მოგეხსენებათ, პრეზიდენტ დიმიტრი მედვედევის მიერ ჯერ კიდევ იანვარში შესაბამისი ბრძანებულება უკვე ხელმოწერილია. ამავე დროს ვამჩნევთ იმასაც, რომ ზოგი ქვეყანა „ჰუმანიტარული დახმარების ნიღაბს ქვეშ აგრძელებს საქართველოსათვის იარაღის მიწოდებას", - აცხადებს კარასინი.
მისივე თქმით, რაც შეეხება რუსეთს, იგი თავს უფლებას ვერ მისცემს გულგრილი დარჩეს იმის მიმართ რაც ხდება. კავკასიის სტაბილურობის საკითხი ეს რუსეთის სტრატეგიული უსაფრთხოების საკითხია.
„ჩვენ არ გვაქვს უფლება მოვიხსნათ ვალდებულება, რომლის მიხედვითაც ვალდებულნი ვართ პატარა ერების მიმართ აღვკვეთოთ ყველანაირი ძალადობა. რათქმაუნდა ჩვენ, კვლავინდებურად შევაკავებთ თბილისის რევანშინსტული პოლიტიკას. ხოლო პროპაგანდისტულ ურთიერთჩხვლეტებში ჩართვას არ ვაპირებთ",- აცხადებს კარასინი.
„ჯი-ეიჩ-ენი"
|