16:08 10:13 03.10.09 - პოლიტიკურ კულუარებში ადგილობრივი არჩევნების 2010 წლის თებერვალში გადმოტანის ვერსიაზე საუბრობენ | |
| პოლიტიკურ კულუარებში ადგილობრივი არჩევნების 2010 წლის თებერვალში გადმოტანის ვერსიაზე საუბრობენ. აღნიშნულ ინფორმაციას სახელისუფლო გუნდში ჯერჯერობით არ ადასტურებენ, თუმცა არ გამორიცხავენ, რომ ეს გადაწყვეტილება ხელისუფლებაში მართლაც განიხილებოდეს. პოლიტიკურ კულუარებში საუბრობენ იმ არგუმენტებზეც, რაც შეიძლება ადგილობრივი არჩევნების მაისიდან თებერვალში გადმოტანის მიზეზი გახდეს. კერძოდ, მიაჩნიათ, რომ ამით ხელისუფლება ფორსმაჟორულ სიტუაციაში ჩააყენებს ოპოზიციას, რითაც ადგილობრივ არჩევნებში თავისი გამარჯვების პოტენციალს გაზრდის. რაც შეეხება ადგილობრივი თვითმმართველობის არჩევნების გაზაფხულზე ჩატარების არგუმენტებს, კულუარებში ამბობენ, რომ გაზაფხულზე იწყება მსოფლიო ჩემპიონატი ფეხბურთში და ამ დროს პოლიტიკურ საკითხებზე მოსახლეობის მობილიზება უფრო რთულია, შესაბამისად, ხელისუფლებას აწყობს, რომ არჩევნები სწორედ გაზაფხულზე ჩატარდეს. ასევე, აღნიშნავენ, რომ წარუმატებლობის შემთხვევაში, ოპოზიციას ზაფხულისთვის საპროტესტო ტალღის გამოწვევა გაუჭირდება. სახელისუფლო გუნდში პირად საუბრებში მხოლოდ იმას ამბობენ, რომ ადგილობრივი თვითმმართველობის არჩევნებში თბილისის მერის პოსტზე ხელისუფლების კანდიდატი, ამ დროისთვის არსებული გადაწყვეტილებით, გიგი უგულავა იქნება. „ინტერპრესნიუსი“ | |
|
| |
| სულ კომენტარები: 0 | |