22:28 13:24 06.09.09 - ნანა კაკაბაძე - სანდრო გირგვლიანის მკვლელობაში მსჯავრდებულები გაათავისუფლეს | |
| [ინტერპრესნიუსი] ვადაზე ადრე გათავისუფლების კომისიის შუამდგომლობით სასჯელის შემსუბუქება სანდრო გირგვლიანის მკვლელობაში მსჯავრდებულებსაც შეეხოთ. როგორც ადამიანის უფლებების დამცველმა ნანა კაკაბაძემ განაცხადა, მისი ინფორმაციით, გირგვლიანის მკვლელები პატიმრობიდან საერთოდ გათავისუფლდნენ. სასჯელაღსრულების, პრობაციისა და იურიდიული დახმარების საკითხთა სამინისტროში დაადასტურეს, რომ ვადაზე ადრე გათავისუფლების კომისიის შუამდგომლობით სასჯელის შემსუბუქება სანდრო გირგვლიანის მკვლელებაში მსჯავრდებულებსაც შეეხოთ. თუმცა, არიან თუ არა უკვე აღნიშნული პირები პატიმრობიდან გათავისუფლებული, პრესსამსახურში ჯერჯერობით ვერ აკონკრეტებენ. გუშინ, ვადაზე ადრე გათავისუფლების კომისიის შუამდგომლობით, სასჯელის ფორმა 388 მსჯავრდებულს შეეცვალა და პრობაციის ეროვნული სამსახურის ზედამხედველობას დაექვემდებარა. სანდრო გირგვლიანის მკვლელობაში მსჯავრდებულები სისხლის სამართლის კოდექსის 117-ე მუხლით იყვნენ გასამართლებულები, რომელიც სასჯელს სხეულის განზრახ ისეთი დაზიანებისთვის ითვალისწინებს, რამაც სიკვდილი გამოიწვია. ალანიას, ბიბილურიძეს, ღაჭავასა და აფციაურს გირგვლიანის მკვლელობაში მსჯავრი 2006 წლის ივლისში დაედოთ. ალანიას 8, ბიბილურიძეს, ღაჭავასა და აფციაურს კი 7-7 წლით პატიმრობა მიესაჯათ. მოგვიანებით მათ სასჯელი გაუნახევრდათ. presa.ge | |
|
| |
| სულ კომენტარები: 0 | |