18:33 15:37 09.10.09 - „7 ნოემბერმა“ შესაძლოა კვლავ მანიფესტაცია გამართოს | |
| მოძრაობამ „7 ნოემბერი“ დროებითი საგამოძიებო კომისიის შექმნის მოთხოვნით შესაძლოა კვლავ მანიფესტაცია გამართოს. როგორც „მედიანიუსს“ მოძრაობა „7 ნოემბრის“ ერთ-ერთმა ლიდერმა ჯაბა ჯიშკარიანმა განუცხადა, აღნიშნულ ინიციატივას პარლამენტიდან დადებითად მხოლოდ რამდენიმე დეპუტატი გამოეხმაურა. თუმცა, ეს სრული სია არ არის და საბოლოო პასუხს პარლამენტის კანცელარიიდან დღეს მიიღებენ, რის შემდეგაც გადაწყდება, შემდგომში რა ნაბიჯებს გადადგამენ. „აღნიშნულ საკითხზე დღეს თბილისის მერიაში შევა შეტყობინება 15 ოქტომბრის მანიფესტაციის შესახებ“, - განაცხადა ჯაბა ჯიშკარიანმა. ცნობისათვის: მოძრაობა „7 ნოემბერმა“ 28 სექტემბერს სანდრო გირგვლიანის, ზურაბ ვაზაგაშვილის, ბუტა რობაქიძისა და სხვა მკვლელობების საქმეების გადახედვასთან დაკავშირებით დროებითი საგამოძიებო კომისიის შექმნის მოთხოვნა პარლამენტის დეპუტატებს გაუგზავნეს. აღნიშნულ საკითხთან დაკავშირებით ამავე დღეს პარლამენტის წინ აქციაც გამართეს. „მედიანიუსი“ | |
|
| |
| სულ კომენტარები: 0 | |