16:53 15:39 03.09.09 - რუსული მედიასაშუალებები ქართველ ჟურნალისტებსა და საზოგადო მოღვაწეებს პოზიციის დასაფიქსირებლად საგაზეთო სვეტს დაუთმობენ | |
რუსულ-ქართული საზოგადოებრივი კომისიის რუსული მხარის წარმომადგენელი, ჟურნალისტი ალან კასაევი უახლოეს მომავალში პრეს-ტურის ორგანიზებას გეგმავს, რომელშიც ქართველი ჟურნალისტებიც მიიღებენ მონაწილეობას. ამის შესახებ კასაევმა დღეს ქართველ ჟურნალისტებთან, პოლიტოლოგებთან და რუსულ-ქართული საზოგადოებრივი კომისიის ქართული მხარის წარმომადგენლებთან შეხვედრის დაწყებამდე განაცხადა. გარდა ამისა, მისი თქმით, კომისიის რუსული მხარის წარმომადგენლები გეგმავენ, ქართველ ჟურნალისტებსა და საზოგადო მოღვაწეებს რუსულ-ქართული ურთიერთობების თემაზე საკუთარი პოზიციის დაფიქსირების უფრო ფართო შესაძლებლობები მისცენ და ამ მიზნით, კერძოდ, გაზეთი „იზვეტია“ და „რია-ნოვოსტი“ მათ საგაზეთო სვეტს გამოუყოფენ. „ყველაზე მთავარია, პროვოკაციებს არ ავყვეთ და არავის მივცეთ ჩვენი – ჟურნალისტების ვიღაცის ხელში საინფორმაციო იარაღად გამოყენების საშუალება. უბრალოდ საჭიროა, ერთმანეთის ხმა გავიგოთ, - ამაშია ჩვენი მისია, როგორც პროფესიაონალი ჟუნრალისტების და აქაც ამისთვის ვიმყოფებით“, -განაცხადა კასაევმა. როგორც ცნობილია, ამ წუთებში სასტუმრო „რედისონ სას ჯორჯიაში“ ქართველი ექსპერტების, პოლიტოლოგების, ჟურნალისტებისა და რუსულ-ქართული საზოგადოებრივი კომისიის წარმომადგენლების მონაწილეობით მრგვალი მაგიდა მიმდინარეობს. „პირველი“ | |
|
სულ კომენტარები: 0 | |