20:34 17:34 03.09.09 - პრეზიდენტის განცხადებას ექსპრეზიდენტი გამოეხმაურა | |
პრეზიდენტ მიხეილ სააკაშვილის მიერ გუშინ სასტუმრო „რედისონ ივერიას" გახსნისას პრეზიდენტ შევარდნაძის შესახებ გაკეთებულ განცხადებას დღეს ყოფილი პრეზიდენტი გამოეხმაურა. როგორც ედუარდ შევარდნაძის განცხადებაშია აღნიშნული, იგი პრეზიდენტის გამოსვლებზე კომენტარს საერთოდ არ აკეთებს, მაგრამ მას სურს ერთი შენიშვნის გაკეთება. კერძოდ, ექს-პრეზიდენტი მიიჩნევს, რომ მისი საქმიანობის შეფასებისას ყველა ვალდებულია გაითვალისწინოს ის ვითარება, რომელიც საქართველოში 1992 წლისთვის არსებობდა. „მაშინდელი საქართველო იყო დანგრეული და მიწასთან გასწორებული, შეიარაღებული ბანდების და ე.წ. „საძმოების" სათარეშო. ქვეყანას არ ჰქონდა კონსტიტუცია, არ იყო პარლამენტი, მსოფლიო მასშტაბით ვიყავით იზოლირებული (მხოლოდ 2-3 სახელმწიფო გვცნობდა, როგორც დამოუკიდებელ სუბიექტს), აღარ ვლაპარაკობ მაშინდელ ეკონომიკურ და სოციალურ მდგომარეობაზე, მოსახლეობის ცხოვრების პირობებზე", - აღნიშნულია განცხადებაში. პრეზიდენტმა მიხეილ სააკაშვილმა განაცხადა, რომ ძველი სასტუმრო „ივერია" იყო უიმედობის, უპერსპექტივობისა და უმომავლობის სიმბოლო და ამ შენობაში უმძიმეს პირობებში მცხოვრები დევნილების დაცინვა იყო, როდესაც შევარდნაძემ და მისმა მთავრობამ „ივერიასთან" დავით აღმაშენებლის 16 მლნ-იანი ძეგლი ზურგით დადგა. „ინტერპრესნიუსი" | |
|
| |
| სულ კომენტარები: 0 | |