21:39
„ახალი მემარჯვენეების“ ინფორმაციით, თბილისის მოსახლეობის უმეტესობა ტელეკომპანია „კავკასიას“ ენდობა
17:32 10.08.09 -


„ახალი მემარჯვენეების" ინფორმაციით, თბილისის მოსახლეობის უმეტესობა ტელეკომპანია „კავკასიას" ენდობა.

ამის შესახებ პარტიის ოფისში გამართულ პრეს-კონფერენციაზე „ახალი მემარჯვენეების" ერთ-ერთმა ლიდერმა ფიქრია ჩიხრაძემ განაცხადა და აქვე აღნიშნა, რომ ეს კვლევები „ძალიან ავტორიტეტული ჯგუფის" მიერ არის ჩატარებული, რომელიც" სხვა საკითხების გარდა, მედიის მიმართ საზოგადოების ნდობითაც დაინტერესდა", კვლევები კი 10-17 ივლისს ჩატარდა.

„აღსანიშნავია, რომ თბილისის მოსახლეობის ყველაზე დიდი ნაწილი „კავკასიას" ენდობა, შემდეგ მოდის „რუსთავი 2" 16%-ით, შემდეგ - „იმედი" 15%-ით , „I არხს" კი მხოლოდ 2,8% აქვს~, - განაცხადა ჩიხრაძემ.

მისივე შეფასებით, „ეს ციფრები ნათლად მეტყველებს იმაზე, თუ როგორ მუშაობდა აქამდე „I არხი", რომლის გენერალური პროდიუსერი და არხის დირექტორის მოადგილე გიორგი ჭანტურია იყო".

შეგახსენებთ, რომ დღეს „I არხის" გენერალურ დირექტორად სწორედ გიორგი ჭანტურია აირჩიეს.

„პირველი"
ნანახია: 854 | დაამატა: gol | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]