12:48 15:22 12.08.09 - აგვისტოს ომში დაზარალებულებს შეიარაღებული სპეცრაზმი დაუპირისპირდა [Video] | |
| [საბა წიწიკაშვილი] შიდა ქართლის გუბერნიის შენობიდან აგვისტოს ომით დაზარალებულები АКС-ის ტიპის ავტომატებით შეიარაღებულმა სპეცრაზმმა გამოყარა. 8 აგვისტოს, როცა მთელი ქვეყნის მასშტაბით აგვისტოს ომის წლისთავი აღინიშნებოდა, გორის რაიონის ორი სოფლის – ფლავისა და ფლავისმანის მოსახლეობა გუბერნატორ ლადო ვარძელაშვილთან ითხოვდა შეხვედრას, სოციალური პრობლემების გასაზიარებლად. ეს ორივე სოფელი ცხინვალის კონტროლირებად ტერიტორიას ესაზღვრება. მოსახლეობის განცხადებით გუბერნატორის მდივანმა მათ განუცხადა, რომ ვარძელაშვილი ადგილზე არ იმყოფებოდა. როცა ხალხმა მოითხოვა, რომ მდივნის ნათქვამი საკუთარი თვალით ენახა, გუბერნატორის თანაშემწემ მოსახლეობას განუცხადა – ”შეგიძლიათ, ტუალეტშიც ნახოთ”... ამის შემდეგ, გუბერნიის შენობაში შეიარაღებული სპეცრაზმი გამოჩნდა და ხალხს შენობა დაატოვებინა. საზღვრისპირა სოფლის მოსახლეობა გორის ხელისუფლებას დახმარებას სთხოვს, თუმცა უშედეგოდ. presa.ge | |
|
| |
| სულ კომენტარები: 0 | |