19:01 17:06 25.08.09 - მოსამართლემ ლაშა ჩხარტიშვილი ლევან გოგიჩაიშვილის პროცესიდან გააძევა | |
თბილისის საქალაქო სასამართლოში მიმდინარე ლევან გოგიჩაიშვილის პროცესიდან მოსამართლე დავით ჯუღელმა „კონსერვატორების" ერთ-ერთი ლიდერი ლაშა ჩხარტიშვილი გააძევა. ჩხარტიშვილის განცხადებით, ფორმალურ მიზეზად მოსამართლემ დარბაზში წესრიგის დარღვევა დაასახელა, თუმცა ჩხარტიშვილი ამ ფაქტს პოლიტიკას უკავშირებს. „მოსამართლე დავით ჯუღელს უნდა, რაც შეიძლება ნაკლებად ესწრებოდნენ პროცესს საზოგადოებრივად აქტიური ადამიანები ან პოლიტიკოსები, რათა დარღვევები არ გამოაშკარავდეს. თუმცა, ჩვენ არ შევწყვეტთ კონტროლს ამ პროცესის მიმართ. მე გამეღიმა სხდომის მიმდინარეობის დროს, იმდენად სასაცილო შეკითხვები იყო",- აღნიშნა ჩხარტიშვილმა. მისივე თქმით, სხდომა ამ წუთებშიც გრძელდება, სადაც ბრალდების მხარე მტკიცებულებების წარდგენას აგრძელებს. „ინტერპრესნიუსი" | |
|
| |
| სულ კომენტარები: 0 | |